اختيار نوع الرضاعة اللى تناسبك

كل الأمهات اللى هيولدوا قريب بيمروا بفترة لتقرير نوع التغذية لطفلهم أما ررضاعة طبيعية أو صناعية. فى كل الأحوال استعدى لأن أى قرار هتخديه الناس هتعلق عليه, عشان كده إختارى المناسب لكى و لطفلك بس

ليه الرضاعة الطبيعية؟

اللبن الطبيعى مهم جدا لحديثى الولادة و أفضل تغذية ليهم وفقاً للأكاديمية الأمريكية لطب الأطفال. لو هتختارى الرضاعة الطبيعية لازم الطفل يرضع طبيعى بس  لمدة ست شهور, و بعد الست شهور لما تبدأى تدخلى أكل لطفل تستمرى فى الرضاعة الطبيعية على الأقل لمدة سنة

ايه الكويس فى الرضاعة الطبيعية؟

الرضاعة الطبيعية لها فوائد كتير

اللبن الطبيعى فى أجسام مضادة و ده مهمة جداً لحماية الطفل من أى أمراض فى الفترة ده-

اللبن الطبيعى سهل هضمه أكتر من اللبن الصناعى و ده بيقلل من الإمساك أو الغازات عند الطفل-

هو كمان مفيد للأم لأن الرضاعة الطبيعية بتقلل من فرص الإصابة بسرطان الثدى أو السكرى-

أمهات كتير بتختار الرضاعة الطبيعية لأنها بتكون فرصة لتقوية علاقتهم بأطفالهم أكتر, كمان أنتى ممكن تستخدمى المضخة لو عاوزة أفراد أسرتك يساعدوكى فى الرضاعة أو لو هتسيبى طفلك فى رعاية حد لفترة و ممكن يحتاج لرضاعة فى الفترة ده-

ليه الرضاعة الصناعى؟

اللبن الصناعى برده اختيار مفيد و صحى و مفيش منه خطورة. المهم أنك تختارى البديل المناسب للبن الطبيعى لطفلك بس متحاوليش أنك تعملى تركبية بنفسك أو أنك تستخدمى لبن بقرى لأن ده مش مفيد لطفلك

ايه الكويس فى الرضاعة الصناعى؟

فى أمهات كتير بيختاروا اللبن الصناعى لأسباب كتير

مناسب أكتر لأن الطفل اللى بيرضع صناعى ممكن أى حد يرضعه بسهولة فى أى وقت-

عملى لأنك ممكن تحضريه بنفسك أو أى حد تانى ممكن يحضره لأنه سهل تحضيره-

جوزك ممكن يساعدك بسهولة و هو كمان يقدريقوى علاقته بطفله أكتر-

ممكن تبدأى تعودى طفلك على الرضاعة بمواعيد و ده أسهل لأن الطفل بيهضم اللبن الصناعى ابطء من اللبن الطبيعى فمش بيحتاجوا يأكلوا كل شوية-

مش محتاجة تقلقى من أكلك و ممكن تأكلى اللى أنتى عاوزه لكن لو بترضعى طبيعى هتضطرى تأخدى بالك من أكلك لأن فيه أكل لازم تبعدى عنه فى الرضاعة الطبيعية

مش مهم النوع اللى هتختاريه رضاعة طبيعية أو صناعية أو دمج الطريقتين لتغذية طفلك. متخليش حد يحسسك بالذنب أو أنك تحسسى نفسك بالذنب المهم أن طفلك يأكل كويس, و تهتمى به و تقدميله الرعاية و الحب اللى محتاجهم