نصائح سريعة للحفاظ على نظام غذائي صحي
مع عودة زيادة عدوى الكورونا في الفترة دي … رجعنا تاني ناخد احتياطاتنا في كل خطوات حياتنا اليومية
الاكل الصحي من أهم الحاجات في الفترة دي لان كل اللي بناكله هيأثر على قدرة أجسامنا في مقاومة الفيروس وسهولة الشفاء والتعافي منه في حالة الاصابة به
بالنسبة للرضع الأكل الصحي يعني الرضاعة الطبيعية المنتظمة والأكل الصحي للأم المرضعة
:خمس نصايح سريعة للحفاظ على نظام غذائي صحي
التنوع في الأكل بما فيها من فواكه وخضروات
- ـ ادخال الحبوب الكاملة زي عيش القمح الكامل والأرز الأسمر والشوفان في الأكل اليومي
- ـ الفواكه والخضروات الطازجة من أهم العناصر اللي نركز عليها جداً – خليها وجبات جانبية
التقليل من الأملاح
ـ بلاش نزود عن معلقة صغيرة من الملح في اليوم
ـ أقللوا من الأكل الجاهز والمعلبات اللي عليها صوص وخلطات لانها بتكون فيها كميات ملح كبيرة
ـ استبدلوا الملح اللي على طرابيزة الأكل بأنواع تانية من البهارات لو عايزين نضيف نكهة للأكل
التقليل من الدهون
ـ استبدلوا الزبدة بزيت الزيتون وزيت عباد الشمس في الطبخ
ـ الاعتماد على اللحوم البيضاء بدلاً من اللحوم الحمراء في الأكل – زي منتجات الدواجن وأغلب الأسماك
ـ الابتعاد عن الأكل الجاهز والأكل المقلي في الزيت لارتفاع الدهون فيها بشكل كبير
التقليل من السكر
ـ التقليل من المشروبات الغازية والعصير الجاهز والحلويات
ـ التقليل من السكر في الشاي والمشروبات الساخنة بشكل عام على قدر المستطاع
ـ استبدال الحلويات بالفواكه الطبيعية
شرب المياه بشكل منتظم
ـ لازم نلتزم بشرب المياه بشكل منتظم على مدار اليوم – ما بين ١١ – ١٥ كوب
ـ خلوا معاكم زجاجة مياه وانت خارج البيت طول اليوم عشان ماتنسوش تشربوا
وأخيرأ … مهم جدا الالتزام بكام نقطة تخص التغذية والأكل
ـ الحفاظ على نظافة الايدين أثناء اعداد الأكل – خاصة لو كنا في الشارع قبلها
ـ الاحتفاظ على الأكل الغير مطبوخ في عبوات تحفظ الأكل وفي درجة الحرارة المظبوظة
ـ طبخ الأكل بشكل جيد على النار وغسل الخضروات والفواكه جيداً