أول حاجة بتيجي في بالك مع تأخر الدورة الشهرية هي انك حامل – مع ان في أكثر من ١٠ أسباب تانية لتأخر الدورة

طبعاً تأخر الدورة مع مؤشرات تانية كثير ممكن تخليكي تعرفي بشكل مبدئي اذا كنت حامل ولا لا قبل ما تعملي تحليل للتأكد

يلا نشوف مع بعض ايه هي الاسباب التانية غير الحمل اللي ممكن تتسبب في تأخر الدورة الشهرية

١- تكيس المبايض

بسبب اضطراب الهرمونات وبتكون معها أعراض تانية زي زيادة نمو الشعر في الجسم وحبوب في الوجه وزيادة الوزن

٢- قصور أو فرط الغدة الدرقية

بيكون مصاحب ليها نقص في الوزن مع تسارع ضربات القلب وزيادة التعرق أو في حالة قصورها بيكون مصاحب ليها زيادة الوزن والإرهاق وجفاف البشرة وتساقط الشع

٣- الضغط العصبي

ضغوطات الحياة الصعبة بأنواعها ممكن تؤدي لاضطرابات في الهرمونات وده بيؤدي الى عدم انتظام الدورة الشهرية – عادة بيصاحب الضغط العصبي أعراض زي الصداع والارهاق والمشاكل الجلدية والهضمي

٤- الرضاعة

مع الرضاعة ممكن تغيب الدورة الشهرية شهور وده بسبب تغيير في الهرمونات

٥- الأدوية

بعض الأدوية وبالأخص حبوب منع الحمل تتسبب في توقف او تقليل الدورة الشهرية

٦- الأمراض

مع المرض الجسم يحاول يعدل الوظائف على حسب أولوياته وبالتالي في حالة المرض زي دور البرد الجامد مثلاً ممكن تتأخر الدورة الشهرية

٧- الوزن

نقص أو زيادة الوزن بشكل حاد ومفاجئ ممكن يؤثر على إفراز الهرمونات في الجسم بشكل طبيعي وبالتالي يؤخر الدورة الشهرية

٨- التغييرات الرئيسية في نمط الحياة

أي تغييرات رئيسية في نمط الحياة اليومي ممكن تؤثر على الساعة البيولوجية للجسم بشكل يؤخر الدورة الشهرية

٩- فترة ما قبل انقطاع الحيض

متوسط العمر ده بيكون من منتصف الى أواخر الأربعينات وفيها يقل إفراز بعض الهرمونات وبيحصل اضطرابات في الدورة الشهرية وبيكون مصاحب ليها بعض الأعراض الثانية زي التقلبات المزاجية الحادة والتعرق في النوم والأرق

١٠- الرياضة بشكل مفرط

مع ان الرياضة مفيدة جداً ولكن الافراط في الرياضة بشكل عنيف (بالأخص لو متبع معاها نظام غظائي شاق للتخسيس) ممكن يؤدي الى اضطرابات في الهرمونات اللي بالتالي بيؤدي لعدم انتظام الدورة الشهرية

عشان كده متابعتك مع الدكتور بشكل دوري مهم جداً سواءاً بتحاولي تحملي أو لا عشان تقدري تعرفي لو انت عندك أي مشاكل وعشان يساعدك تعالجي مشكلتك بشكل صحيح من غير تأخير

تقدري تحجزي في مركز د.حسن جعفر لصحة المرأة من خلال موقع المركز مباشرة، أو موقع فيزيتا أو من خلال الاتصال بالتليفون مباشرة على ٠١٠٩٦٨٨٤٨١٤

مركز د.حسن جعفر لصحة المرأة – ٣٠ شارع مراد الجيزة