عشان نجاوب على السؤال ده خلينا نتعرف الأول على كل مراحل الحمل من أول التبويض لتكوين الجنين

كيف يحدث الحمل؟

البويضة بتخرج من المبيض استعدادا للتخصيب وبتفضل صالحة لمدة ٤٨ ساعة. لو الدورة الشهرية بتيجي كل ٢٨ يوم بيكون أحسن وقت لحدوث الحمل في خلال الأسبوع الي بعد الدورة الشهرية. عشان كدة الأفضل ممارسة العلاقة يوم بعد يوم أو يوميا في الفترة دي

عملية الحمل

بعد حدوث العلاقة بتنطلق الملايين من الحيوانات المنوية في رحلة للهبل والرحم وقنوات فالوب. لو البويضة في واحدة من القنوات ممكن بالفعل يحصل تخصيب. بعد كدة بتنتقل البويضة المخصبة للرحم وفي الوقت ده بتكون بتنقسم لخلايا كتير الي بنسميها العلقة وبتوصل للرحم بعد ٣ أو ٤ أيام. بعد كدة بيبدأ الغرس في بطانة الرحم الي بتكون سميكة استعدادا لحدوث الحمل وده بيكون بداية تكوين مشيمة عشان الحمل يكون كامل. لو ماحصلش حمل بيحصل حيض ودي بتكون آخر مرحلة في الدورة بحيث بعد أيام الحيض الي هي من ٣ الي ٧ أيام يبدأ تاني الرحم يكون بطانة سميكة استعدادا لاحتمال حدوث حمل جديد

ازاي تعرفي ان فيه تبويض؟

فيه علامات كثيرة من ضمنها ارتفاع درجة حرارة جسم السيدة ونزول افرازات مهبلية وساعات بيكون فيه ألم شبيه لألم الحيض. ممكن كمان الاستعانة باختبار التبويض الي موجود في الصيدلية أو زيارة دكتور النساء الي يقدر يتعرف على التبويض من خلال جهاز السونار. طبعا معرفة وقت التبويض مهم جدا عشان تحددي أفضل وقت للعلاقة الحميمية وحدوث الحمل خاصة لو كانت الحسابات مش مظبوطة

ما بعد العلاقة الحميمية

عشان نرفع نسبة حدوث الحمل بعد العلاقة بيفضل ان السيدة تنام على ظهرها لمدة نص ساعة لتسهيل انتقال الحيوانات المنوية للبويضة. كمان يفضل عدم استخدام الدش أو الغسول المهبلي كمان بعد العلاقة

امتى تزوري الدكتور عشان الحمل اتأخر؟

طبعا مش شرط يحصل حمل من أول شهر محاولة لأن نسبة حدوث الحمل بتكون ٢٠٪ كل شهر. لو انتي تحت ال٣٥ سنة وبقالك على الأقل سنة بتحاولي من غير نتيجة يبقى لازم تزوري دكتور النساء والخصوبة عشان تتطمني انتي وزوجك. لو انتي فوق ال٣٥ سنة ممكن تزوري الدكتور بعد ٦ شهور محاولة. فوق ال٤٠ سنة الأفضل تبدأي بزيارة الدكتور من الأول

في النهاية الحمل كله نصيب وله وقته. مهم انك يكون عندك ايمان وتبطلي قلق لان القلق والحالة المزاجية كمان ممكن يأخروا الحمل

تقدري تحجزي معادك مع د. حسن جعفر من خلال موقع المركز مباشرة، أو موقع فيزيتا أو من خلال الاتصال بالتليفون مباشرة على ٠١٠٩٦٨٨٤٨١٤

مركز د.حسن جعفر لصحة المرأة – ٣٠ شارع مراد الجيزة