الفرق بين أنواع الاخصاب المختلفة
من المشاكل اللى بتواجه الأزواج هى عدم القدرة على الانجاب، لكن حاليا فيه حلول كتير لمساعدة الأزواج على الانجاب عن طريق أنواع مختلفة من الاخصاب المساعد. من بعض هذه الوسائل
أدوية الخصوبة بتساعد ازاى؟
دي اسهل طريقة بيبدأ بها الدكاترة لمساعدة الزوجين، و هى عبارة عن حبوب او حقن فيها هرمونات بتساعد على حث التبويض و زيادة انتاج البويضات. كمان الادوية بتساعد على تثبيت الجنين فى اكتر الرحم
من ممكن يستفيد من الادوية؟
الادوية ده بتكون مفيدة للسيدات اللى عملية التبويض عندهم مش منتظمة او لو ازواجهم لديهم حيوانات منوية ذات كفائة منخفضة. لكن قبل استخدام اى ادوية لازم تستشيرى دكتورك عن الوسيلة المناسبة لكى
ايه العيوب و المميزات؟
فى الغالب بيكون ده اول اختيار فى حلول الاخصاب لانه مش مكلف زى باقى الطرق و مناسب اكتر, لكن من اعراضها الجانبية الانتفاخ, صداع, نوبات الحرارة او احتمالية التوأم
التلقيح الصناعى
بتساعد ازاى؟
من الوسائل المعروفة فى الاخصاب و هى التلقيح الصناعى, و فيها بيتم اعداد الحيوان المنوى و حقنه فى الرحم عن طريق قسطرة ( أنبوبة) رفيعة. فى بعض الاحيان الدكتور بينصح بادوية الخصوبة عشان تساعد فى زيادة نسبة الاخصاب.
من ممكن يستفيد منه؟
بيستفيد منه الحالات اللى بيكون الازواج لديهم حيوانات منوية ذات كفائة منخفضة او عددهم منخفض. كمان للسيدات اللى بتفرز اجسام مضادة للحيوانات المنوية او عندها مخاط عنق الرحم حمضى اكتر من اللازم او شديد اللزوجة مما يمنع وصول الحيوانات المنوية.
ايه العيوب و المميزات؟
هى عملية بسيطة جدا ممكن تتم فى العيادة لكن ممكن ينتج عنها ولادة توأم بسبب ادوية الخصوبة.
أطفال الأنابيب و الحقن المجهرى
بتساعد ازاى؟
هو عبارة عن جمع البويضات من المبايض بعد ما يتم تحفيزها بالادوية ثم جمع الحيوانات المنوية. بعدها بيتم تلقيح البويضة فى المعمل و زرع الاجنة فى المعمل لبضعة ايام ثم يتم اختيار الاجنة المناسبة و نقلها تانى داخل الرحم
من ممكن يستفيد منه؟
لو الزوجين كانوا بيحاولوا الانجاب و مر عليهم اكتر من سنة بدون نتيجة بيحتاجوا انهم يستشيروا الدكتور عشان ينصحهم بالتحاليل المناسبة ليهم, و الطريقة ده بتكون مناسبة للستات الاكبر فى السن او اللى عندهم تهتكات فى قنوات فالوب. كمان لو الازواج لديهم حيوانات منوية ذات كفائة منخفضة او مفيش سبب واضح للعقم عند الزوجين
ايه العيوب و المميزات؟
هى وسيلة بتساعد الازواج اللى بيعانوا من مشاكل فى الخصوبة على الانجاب, لكن فى الوقت نفسه هى عملية مكلفة و بتحتاج ادوية خصوبة و صبرحتى تنجح
الطرق ده من اهم الوسائل اللى بتساعد الازواج تتخطى مشاكل الخصوبة, لكن لازم استشارت الدكتور عشان ينصح الزوجين بالوسيلة الانسب لهم